É frecuente escoitar dalgún neno que sufriu "vexetacións"; realmente, esta verba coloquial refírese ao termo médico adenoides, que son 2 glándulas linfáticas situadas na rexión nasofarínxea e que por si soas non constitúen ningunha enfermidade. As complicacións xorden ao medraren de máis (hipertrofia) xa que obstrúen o paso do aire cara aos pulmóns.
Soen padecela aqueles nenos e nenas con inflamacións e/ou infeccións de gorxa de repetición.
Os síntomas máis comúns son dificultade respiratoria, respiración bucal permanente, apnea do sono, ronquidos...
O único tratamento para a hipertrofia de adenoides é a adenoidectomía (extirpación das adenoides); só nos casos máis graves procederá a cirurxía, nos cadros máis leves tratarase con antibióticos e corticoides.
No hay comentarios:
Publicar un comentario