SILICOSE

A silicose é a neumoconiosis producida por inhalación de partículas de sílice, entendendo por neumoconiosis a enfermidade ocasionada por un depósito de po nos pulmóns cunha reacción patolóxica fronte ao mesmo, especialmente de tipo fibroso. Encabeza as listas de enfermidades respiratorias de orixe laboral en países en desenvolvemento, onde se seguen observando formas graves. Polo tanto é unha enfermidade pulmonar causada por inhalar po de sílice.

Preséntanse tres tipos de silicoses:

• Silicose crónica, a cal resulta da exposición prolongada (máis de 20 anos) a baixas cantidades de po de sílice. Este po causa inflamación nos pulmóns e ganglios linfáticos do tórax. Esta enfermidade pode facer que as persoas teñan dificultade para respirar e é a forma máis común de silicose.

• Silicose acelerada, a cal se presenta despois da exposición a cantidades maiores de sílice nun período máis curto (5 a 15 anos). A inflamación dos pulmóns e os síntomas ocorren máis rapidamente que na silicose simple.

• Silicose aguda, a cal resulta da exposición a cantidades moi grandes de sílice durante curto tempo. Os pulmóns se inflaman bastante e pódense encher de líquido, o que causa unha dificultade respiratoria grave e unha baixa dos niveis de osíxeno no sangue.

As persoas que se desempeñan en traballos onde están expostos ao po de sílice están en risco. Estes traballos inclúen: fabricación de abrasivos, fabricación de vidro, minería, traballo en canteiras, construción de estradas e edificios ou corte de pedra. 

A exposición intensa ao sílice pode causar esta enfermidade nun ano, pero, polo xeral, toma polo menos 10 ou 15 anos de exposición antes de que se presenten os síntomas. A silicose volveuse menos común desde que a Administración de Seguridade e Saúde Ocupacional (Occupational Safety and Health Administration, OSHA) estableceu regulacións que esixen o uso de equipo protector que limita a cantidade de po de sílice que os traballadores inhalan.

Os síntomas inclúen:

• Tose
• Dificultade respiratoria
• Perda de peso